ໜັງສັ້ນແນະນຳ

7 ສິ່ງທີ່ຜູ້ຍິງຄວນອ່ານ ຖ້າຢາກມີສະເໜ່ ຈົນໃຜໆເຫັນແລ້ວກະຢາກເຂົ້າຫາ


ຂື້ນຊື່ເລື່ອງຜູ້ຍິງແລ້ວ ກະມີຫຼາຍປະເພດ ຫຼາຍບຸກຂະລິກທີ່ແຕກຕ່າງກັນ,  ແລະ ແຕ່ລະຄົນກະນິໃສແຕກຕ່າງກັນ, ຕໍ່ໄປນີ້ຄື 7 ນິໃສຂອງຜູ້ຍິງມີສະເໜ່ ທີ່ໃຜໆເຫັນແລ້ວກໍ່ຢາກຈະເຂົ້າຫາທັນທີ.

7 ສິ່ງທີ່ຜູ້ຍິງຕ້ອງອ່ານ,  ສາລະໜ້າຮູ້, ບົດຄວາມຈາກທີ່ປຶກສາ,  ທີ່ປຶກສາບັນຫາຊີວີິດ ຄອບຄົວ ແລະ ຫົວໃຈ


1. ຍິ້ມເກັ່ງ.
ຜູ້ຍິງມີສະເໜ່ມັກຈະຍີ້ມເກັ່ງ,​ ການຍີ້ມຖືວ່າເປັນປະຕູບານທຳອິດທີ່ເຮັດໃຫ້ຫຼາຍຄົນຢາກເປີດເຂົ້າໄປຄົ້ນຫາ.  ຄົນທີ່ຍີ້ມເກັ່ງບໍ່ຈຳເປັນຕ້ອງງາມ ເຟີເຟັກສົມບູນແບບ, ທຸກຄົນສາມາດມີສະເໜ່ໄດ້ ຖ້າມີຮອຍຍີ້ມງາມໆດຶງດູດຄົນທີ່ມາເຫັນ.


2. ມີຄວາມໝັ້ນໃຈ.
ຖ້າເປັນຄົນທີ່ບໍ່ມີຄວາມໝັ້ນໃຈ,​ ເຮັດຫຍັງກໍ່ ເກິໆກະໆ ຈະເຮັດໃຫ້ເບິ່ງແລ້ວບໍ່ຄັກ,  ຖ້າຫາກຜູ້ຍິງຄົນໃດທີ່ມີຄວາມໝັ້ນໃຈ ບໍ່ກັງວົນກັບຈຸດດ້ອຍຂອງໂຕເອງ,​ ແລະ ເສີມສ້າງບຸກຂະລິກໃຫ້ເດັ່ນ ຈະເຮັດໃຫ້ມີສະເໜ່,  ແຕ່ກະຢ່າເຮັດຫຼາຍເກີນໄປດຽວຈະເບິ່ງບໍ່ດີບໍ່ງາມ.


3. ເປັນໂຕຂອງໂຕເອງ.
ຢ່າໄປແອັບ,  ຢ່າໄປວາງໂຕ ເປັນຜູ້ດີມີຕະກູນຄືດາລາ, ເພາະສິ່ງໃດທີ່ບໍ່ແມ່ນໂຕຈິງຂອງເຮົາ ມັນຈະເບິ່ງຜິດທຳມະຊາດ,  ຖ້າເຈົ້າເປັນໂຕຂອງໂຕເອງຕັ້ງແຕ່ທຳອິດ ແລ້ວເຈິຄົນທີີ່ຮັບໄດ້ ຖືວ່າເຂົາຮັກເຈົ້າແທ້, ຖ້າເຈົ້າໄປຝືນກາຍເປັນຄົນອື່ນ ມັນຈະເຮັດໃຫ້ຄົນທີ່ເຂົ້າມາກໍ່ຈະເປັນຄົນອື່ນຄືກັນ, ເຮັດໃຫ້ເຂົ້າກັນບໍ່ໄດ້ ຫຼື ໄປບໍ່ສຸດເສັ້ນທາງເດີນ. ເພາະເຈົ້າບໍ່ສາມາດຕົວະໂຕເອງໄດ້ໄປຕະຫຼອດ.


ອ່ານແລ້ວຢ່າລືມກົດໄລກົດແຊ ເປັນກຳລັງໃຈໃຫ້ເພຈເຮົາແນ່ເດີ້ ທີ່ເພຈ ທີ່ປຶກສາ,​ ບັນຫາຊີວິດ,​ ຄອບຄົວ ແລະ ຫົວໃຈ

4.  ຮູ້ຈັກຄວບຄຸມຄວາມຮູ້ສຶກ.
ຜູ້ຍິງທີ່ມີສະເໜ່, ມັກຈະຄວບຄຸມອາລົມໂຕເອງໄດ້,​ ເຖິງແມ່ນວ່າຈະມີເລື່ອງໃຫ້ຫງຸດຫງິດ ຫຼື ໂມໂຫ ຫຼາຍປານໃດກະຢ່າ, ບໍ່ຄວນສະແດງອອກມາ,  ບໍ່ຄວນຮ້ອງໃຫ້ຟຸມຟາຍ,​ ບໍ່ຄວນໂພສ ລະບາຍຫຍັງແບບເສຍໆຫາຍໆ,  ເຈິຜູ້ຊາຍຫຼໍ່ ກະຫ້າມອອກອາການ..

5.  ຫ້າມນິນທາຄົນອື່ນ.
ຜູ້ຍິງທີ່ລົມເກັ່ງ ແຕ່ບໍ່ນິນທາຄົນອື່ນ ເປັນສິ່ງທີ່ຫຼາຍຄົນປາດຖະໜາ, ແມ່ນຢູ່ວ່າຜູ້ຍິງມັກຈັບກຸ່ມເມົ້າກັນ,  ແຕ່ກໍ່ຄວນມີລີມິດ ໃນການລົມ,  ຫ້າມນິນທາຄົນອື່ນເດັດຂາດ.

6. ຮູ້ຈັກວາງໂຕ.
ຕ້ອງຮູ້ຈັກກາລະເທສະ,  ຄືເວລາຢູ່ກັບໝູ່,  ຢູ່ກັບແຟນ,  ຢູ່ກັບຜູ້ໃຫ່ຍ, ຄວນຮູ້ວາງໂຕໃຫ້ເໝາະສົມ.



7. ຫຼິ້ນ Social media ໃຫ້ຖືກກະລະເທສະ.
ບໍ່ແມ່ນວ່າມີຫຍັງກະຈະໂພສມົ້ວ, ໂພສດ່າຜູ້ນັ້ນຜູ້ນີ້,​ ມີຫຍັງກະລະບາຍລົງ, ເຈັບທ້ອງ ຖອກທ້ອງກະລະບາຍລົງ, ການເຮັດແບບນີ້ຈະຍິ່ງຫຼຸດສະເໜ່ໂຕເອງລົງລ້າໆ.


ທັງໝົດນັ້ນເປັນພຽງສ່ວນໜຶ່ງທີ່ແອັດມິນລວບລວມມາຝາກກັນ,  ທີ່ສຳຄັນສຸດ ເຮັດໂຕໃຫ້ເປັນຄົນດີ ແລະ ເປັນໂຕຂອງໂຕເອງ ສະເໜ່ກະຈະເກີດກັບໂຕເຮົາເອງ, ໄວ້ເຈິກັນໃໝ່ສະບັບໜ້າ. ສະບາຍດີ.

ຮ່ວມເປັນກຳລັງໃຈໃຫ້ພວກເຮົາໃນການຂຽນບົດຄວາມດີດີອອກມາ ໂດຍການກົດໄລ ກົດແຊ ແລະ ຕິດຕາມພວກເຮົາໄດ້ຕາມຊ່ອງທາງຕ່າງໆໄດ້ທີ່  ເພຈທີ່ປຶກສາ,  ເພສ SPV media

No comments:

Post a Comment

spv media ສູນລວມຄວາມຮູ້, ໜັງ, ທ່ອງທ່ຽວ ແລະ ຄວາມບັນເທິງ Designed by Templateism.com Copyright © 2019

Theme images by piskunov. Powered by Blogger.
Published By Gooyaabi Templates