ໜັງສັ້ນແນະນຳ

ຄວາມຮັກຂອງເຈົ້າເປັນແບບໃດ ? 7 ຮູບແບບຄວາມຮັກ ຕາມຫຼັກຈິດວິທະຍາ


      ເຊື່ອວ່າຫຼາຍຄົນຕ້ອງມີຄວາມຮັກຢ່າງແນ່ນອນ, ເມື່ອເຂົ້າສູ່ໄວໝຸ່ມໄວສາວ ທຸກຄົນຕ້ອງໄດ້ພົບກັບຄວາມຮັກ, ບາງຄົນກໍ່ສົມຫວັງ,  ບາງຄົນຜິດຫວັງ ປົນເປກັນໄປ. ແຕ່ກ່ອນຈະສົມຫວັງ ຫຼື ຜິດຫັວງນັ້ນ,​ ເຮົາລອງມາເບິ່ງກັນວ່າ ປະຈຸບັນຄວາມຮັກທີ່ເຮົາມີຢູ່ເປັນຄວາມຮັກປະເພດໃດ ?

ຮູບແບບຄວາມຮັກ,  7 ປະເພດຄວາມຮັກ,​ ຄວາມຮັກ, ຄວາມຮັກແບບໃດ, ຄວາມຮັກເປັນແບບໃດ, ທີ່ປຶກສາ, ທີ່ປຶກສາບັນຫາຊີວິດ ຄອບຄົວ ແລະ ຫົວໃຈ,​love,


1. ຄວາມຮັກ ແບບ "ຫຼົງໄຫຼ".
ຫຼາຍຄົນຄົງຈະເຄີຍເຈິ ບາງຄົນອາດຈະຮູ້ ແລະ ບໍ່ຮູ້ໂຕ,  ເວລາທີ່ເຮົາໄປເຈິໃຜຈັກຄົນ ແລ້ວເຮົາຮູ້ສຶກມັກທັນທີ, ທຸກວັນຢາກເຫັນໜ້າ,​ ຢາກສົບຕາ,​ ຢາກຢູ່ໄກ້ໆ ຕະຫຼອດເວລາ,​ ເວລາເຂົາເວົ້າຫຍັງກໍ່ຍອມໝົດ,​ ອາດຈະຍ້ອນຮູບຮ່າງໜ້າຕາ ແລະ ບຸກຂະລິກ ເຮັດໃຫ້ເຮົາຕົກໃນພະວັງຂອງຄວາມຮັກ ໂດຍບໍ່ທັນໄດ້ມີຄວາມສຳພັນຫຍັງຫຼາຍ ອັນນີ້ເອີ້ນວ່າຄວາມຮັກແບບຫຼົງໄຫຼ.


2. ຄວາມຮັກແບບ  "ຄວາມມັກ"
ເວລາທີ່ເຮົາກຳລັງລົມໃຜຈັກຄົນ,​ ອາດຈະມີຄວາມຄ້າຍໆກັນ,​ ມັກສິ່ງຄ້າຍໆກັນ,​ ໄປໃສມັກໄປນຳກັນ,​ ຫຼື ເຮັດຫຍັງຄ້າຍໆກັນ. ມັກສະໜິດກັນ ຮູ້ສຶກດີນຳກັນ,​ ແຕ່ຄວາມສຳພັນບໍ່ໄດ້ເລິກເຊິ່ງ, ແລະ ບໍ່ໄດ້ເຖິງຂັ້ນເປັນແຟນ, ສ່ວນໃຫ່ຍຄວາມຮັກປະເພດນີ້ຢູ່ໃນຂັ້ນເລີ່ມຕົ້ນ, ແລະ ກໍ່ມີຫຼາຍຄູ່ທີ່ຕາຍໄປກັບຄວາມສຳພັນໃນຮູບແບບໝູ່.


3.  ຄວາມຮັກແບບ "ພາບລວງຕາ"
ຫຼາຍຄົນຄືຈະງົງໆ ວ່າຮັກເປັນແບບພາບລວງຕາຄືແບບໃດ,​ ໃນທີ່ນີ້ໝາຍເຖິງ ຄວາມຮັກທີ່ມີຄວາມຫຼົງໄຫຼຫຼາຍ ແລະ ແບບຜູກມັດ ລວມໄວ້ນຳກັນ,​ ໝາຍເຖິງຄູ່ຮັກທີ່ເຈິກັນບໍ່ຮອດເທົ່າໃດກໍ່ປະກາດໃຫ້ໂລກຮູ້ວ່າເປັນແຟນກັນ,​ ບາງຄູ່ກໍ່ຄົບກັນບໍ່ຮອດປີກໍ່ແຕ່ງງານກັນ (ອາດຈະຍ້ອນເຫດຜົນຫຼາຍໆຢ່າງ) ແຕ່ນັກຈິດວິທະຍາບອກວ່າ ຄູ່ຮັກແບບນີ້ອາດຈະຢູ່ນຳກັນດົນຖ້າສຶກສາໃຈກັນໄປເທື່ອລະໜ້ອຍຫຼັງເປີດຄວາມສຳພັນ, ແຕ່ຫຼາຍຄັ້ງບາງຄູ່ກະຢູ່ກັນໄປແບບທຳມະດາ ໃນໃຈເລິກໆບໍ່ຮູ້ຊ້ຳວ່າຄົນທີ່ຢູ່ນຳນັ້ນເປັນຄູ່ຊີວິດຕົນບໍ່.


ຖ້າທ່ານ ກຳລັງມີບັນຫາ ຄິດຫຍັງບໍ່ອອກ ສາມາດສົ່ງ ຫຼື ອ່ານບົດຄວາມດີດີໄດ້ໃນເພຈ ທີ່ປຶກສາບັນຫາຊີວິດ ຄອບຄົວ ແລະ ຫົວໃຈ

4. ຄວາມຮັກແບບ "ຫວ່າງເປົ່າ"
ເປັນປະເພດຄວາມຮັກທີ່ບໍ່ມີຄວາມຮູ້ສຶກຫຼົງໄຫຼ,​ ບໍ່ມີຄວາມໂຣແມນຕິກເລີຍ ອາດຈະຄົບກັນມາດົນແລ້ວໝົດຄວາມຮູ້ສຶກຕໍ່ກັນ,  ຫຼື ຄົບກັນ/ແຕ່ງກັນ ຍ້ອນໜ້າທີ່ຫຼື ຂໍ້ຜູກມັດ ເຊັ່ນ:​ ເຈົ້າໜີ້, ໜີ້ຊີວິດ,  ຄອບຄົວບັງຄັບ, ໜ້າທີ່ການງານບັງຄັບ...

5. ຄວາມຮັກແບບ "ໂຣແມນຕິກ"
ຟັງເບິ່ງແລ້ວຄືຈະເປັນຄວາມຮັກດັ່ງຫຼາຍຄົນຕ້ອງການ,  ແຕ່ບໍ່ຄ່ອຍແມ່ນເລີຍ,  ຄວາມຮັກແບບໂຣແມນຕິກໃນທີ່ນີ້ແມ່ນໝາຍເຖິງ ຄວາມຮັກທີ່ຫຼົງໄຫຼ ແລະ ຄວາມສະໜິດສະໝົມ.. ແຕ່ ບໍ່ມີຂໍ້ຜູກມັດ, ສ່ວນໃຫ່ຍຄູ່ຮັກດັ່ງກ່າວ ມັກຈະໂຟກັສ ແຕ່ເລື່ອງປະຈຸບັນເຊັ່ນ:  ເອົາເງິນມາໃຊ້ຈ່າຍໃນການທ່ອງທ່ຽວຫຼິ້ນ, ໄປເດດໄປຫຼິ້ນບ່ອນນັ້ນບ່ອນນີ້, ໄປເບິ່ງໜັງ ໄປເລາະ, ໄປເຊີໄພ້ຈັດວັນເກີດ ແລະ ເຮັດແນວສິ້ນເປືອງຕ່າງໆ ໂດຍບໍ່ໄດ້ວາງແຜນອະນາຄົດເລີຍ ວ່າຈະເອົາເງິນໄປເຮັດຫຍັງ,​ ສ້າງອະນາຄົດແນວໃດ. ຮອດເວລາຖາມຫາເລື່ອງອະນາຄົດກະບໍ່ພ້ອມຈັກເທື່ອ.


ຮູບແບບຄວາມຮັກ,​ ຮັກແທ້, ຄວາມຮັກເຈົ້າເປັນແບບໃດ,​ ປະເພດຄວາມຮັກ, ທີ່ປຶກສາ ບັນຫາຊີວິດ ຄອບຄົວ ແລະ ຫົວໃຈ


6. ຄວາມຮັກແບບ  "ເຫັນໃຈເຊິ່ງກັນແລະກັນ"
ເປັນຄວາມຮັກທີ່ມີທັງຄວາມສະໜິດສະໜົມ ແລະ ຂໍ້ຜູກມັດ,​ ແຕ່ຂາດຄວາມສຳພັນແບບເລິກເຊິ່ງ (ແບບຊູ້ສາວ). ຄວາມຮັກແບບນີ້ຈະເປັນໃນຮູບແບບໝູ່ຮັກ,  ໝູ່ສະໜິດ ຫຼື ຄົນໃນຄອບຄົວກັນ ຫຼາຍກວ່າ,​ ຫຼື ໃນຮູບແບບຄວາມຮັກທີ່ຄຸ້ນເຄີຍຮູ້ໃຈກັນມາດົນນານ.


7. ຄວາມຮັກແບບ "ຮັກແທ້"
ເປັນຄວາມຮັກທີ່ທຸກຄົນຕ້ອງການ,​ ຄວາມຮັກປະເພດນີ້ເປັນຄວາມຮັກທີ່ລວມທຸກໆຮູບແບບເຂົ້າກັນ, ເປັນຄວາມຮັກທີ່ຫາຍາກ,​ ໂດຍທີ່ເຮົາໄດ້ສ້າງ ແລະ ຜ່ານມັນມານຳກັນໃນຫຼາຍໆດ້ານ. ຖືວ່າເປັນຄວາມຮັກແທ້.  ຄວາມຮັກແບບນີ້ຈະເຮັດໃຫ້ຄູ່ຮັກຮັກກັນໄດ້ດົນ ແລະ ມີຄວາມສຸກເພີ່ມຂື້ນຕະຫຼອດເວລາ.

ຮ່ວມເປັນກຳລັງໃຈໃຫ້ພວກເຮົາສ້າງບົດຄວາມດີດີອອກມາໃຫ້ເຮົາໄດ້ໂດຍການກົດຕິດຕາມເພຈພວກເຮົາດ້ວຍ

ອ່ານບົດຄວາມອື່ນໆໄດ້ທີ່ www.spvmedia.com

ຂໍ້ມູນແຫຼ່ງທີ່ມາຈາກ: psychologytoday

No comments:

Post a Comment

spv media ສູນລວມຄວາມຮູ້, ໜັງ, ທ່ອງທ່ຽວ ແລະ ຄວາມບັນເທິງ Designed by Templateism.com Copyright © 2019

Theme images by piskunov. Powered by Blogger.
Published By Gooyaabi Templates