1. ເອົາແຕ່ໃຈໂຕເອງ.
ເຊື່ອວ່າຂໍ້ນີ້ຫຼາຍຄົນເປັນແນ່ນນອນ, ຖ້າຫາກຄົນໜຶ່ງເປັນຄົນເອົາ່ໃຈເກັ່ງກະແລ້ວໄປ, ແຕ່ຖ້າຫາກທັງສອງນັ້ນຕ່າງຝ່າຍຕ່າງເປັນຄົນເອົາແຕ່ໃຈລະ ? ຈະເປັນແນວໃດ.
2. ຂີ້ຫຶງຈົນເກີນໄປ.
ແມ່ນຢູ່ວ່າຈະຫ້າມໄດ້ຍາກ ກັບການຫຶງຄົນຮັກ, ແຕ່ເຈົ້າຮູ້ບໍ່ ? ການທີ່ເຈົ້າຫຶງນັ້ນບໍ່ໄດ້ເຮັດໃຫ້ອີກຝ່າຍຮັກເຈົ້າເພີ່ມຂື້ນ, ມີແຕ່ຈະເຮັດໃຫ້ເຂົາຍິ່ງລຳຄານ ແລະ ອຶດອັດລ້າໆ, ເພາະມັນເປັນການບໍ່ເຊື່ອໃຈກັນ. ສະນັ້ນ ບໍ່ຄວນຫຶງຫຼາຍຈົນເກີນໄປ.
3. ຫູເບົາ.
ຍັງມີຫຼາຍຄົນໃນໂລກນີ້ທີ່ເລີກກັບແຟນຍ້ອນເຫັນໝູ່ມາເວົ້ານັ້ນເວົ້ານີ້ໃຫ້ຟັງ, ບາງທີມີຫຍັງແຟນບອກກະບໍ່ເຊື່ອ ບາດໝູ່ບອກ ພັດເຊື່ອ, ອັນນີ້ຈະເຮັດໃຫ້ເລີກກັນໄວຂື້ນ. ສະນັ້ນ, ມີຫຍັງຄວນລົມແຕ່ສອງຄົນ ຫຼື ເລືອກຟັງໝູ່ດ້ວຍເຫດຜົນ, ເພາະໝູ່ເຮົາບໍ່ໄດ້ຮູ້ຈັກແຟນເຮົາດີທໍ່ໂຕເຮົາເອງ.
ອ່ານແລ້ວຢ່າລືມກົດໄລ ກົດແຊສ ເພື່ອເປັນກຳລັງໃຈໃຫ້ແອັດມິນແນ່ເດີ້ ຢູ່ໃນເພຈ ທີ່ປຶກສາ ບັນຫາຊີວິດ ຄອບຄົວ ແລະ ຫົວໃຈ
4. ບອກເລີກທຸກເທື່ອທີ່ຖຽງກັນ.
ຄູ່ຮັກທຸກຄູ່ເວລາຢູ່ນຳກັນ ແນ່ນອນ ມັນຕ້ອງມີເລື່ອງທີ່ເຮັດໃຫ້ຜິດໃຈກັນ, ແຕ່ກະຄວນໃຊ້ເຫດໃຊ້ຜົນ, ບໍ່ແມ່ນມີຫຍັງ, ຄຽດຫຍັງໜ້ອຍໜຶ່ງກະບອກເລີກໄປ, ເປັນແບບນີ້ ມື້ໜຶ່ງອີກຝ່າຍທົນບໍ່ໃຫວ ຕອບໄປວ່າ ເອີ້! ເລີກກະເລີກ.. ແລ້ວເປັນຈັ່ງໃດ ໃຜລະທີ່ເຈັບ ? ກະເຈົ້ານີ້ລະ
5. ມັກຕົວະ.
ບໍ່ວ່າຈະເປັນເລື່ອງເລັກເລື່ອງນ້ອຍ ກໍ່ບໍ່ຄວນຕົວະກັນ, ຖ້າເປັນແຟນກັນຄວນໄວ້ໃຈກັນ, ເພາະຖ້າມື້ໜຶ່ງອີກຝ່າຍຈັບໄດ້ວ່າແຟນຕົນມີເລື່ອງປິດບັງ ຫຼື ຂີ້ຕົວະຢູ່ ຈະເຮັດໃຫ້ເຂົາບໍ່ເຊື່ອໃຈ ເປັນທີ່ມາຂອງຄຳວ່າຈົບໃນອະນາຄົດ.
6. ຫຼາຍໃຈ.
ຍັງມີບາງຄົນທີ່ຍັງຄົບກັບຫຼາຍຄົນ, ຍັງມ່ວນກັບການຫຼິ້ນ, ເມື່ອອີກຝ່າຍຮູ້ ແລ້ວໃຜຈະຮັບໄດ້ລະ ?
7. ບໍ່ມີເຫດຜົນ.
ເມື່ອອີກຝ່າຍເວົ້າຫຍັງໄປ ກໍ່ຄວນຟັງດ້ວຍເຫດດ້ວຍຜົນ, ບໍ່ແມ່ນຈະຖຽງເພື່ອຊະນະ, ຜູ້ໃດເວົ້າມີເຫດຜົນກວ່າກະຄວນເຄົາລົບແນວຄິດອີກຝ່າຍ. ຖ້າເຮົາຍັງເປັນຄົນໃຈແຄບບໍ່ຍອມຮັບກັນ ຈະເຮັດໃຫ້ຄວາມຮັກແຕກຫັກໄດ້ງ່າຍ.
ທັງ 7 ຂໍ້ຜ່ານມານັ້ນ, ແມ່ນແອັດມິນໄດ້ສັງຄວາມຈຸໃຫ່ຍໆມາຝາກ. ອາດຈະມີອີກຫຼາຍໆຂໍ້ ຫຼາຍປັດໃຈ ທີ່ສຳຄັນເຮົາຕ້ອງຮຽນຮູ້ທີ່ຈະປັບມັນໃຫ້ເຂົ້າກັນ. ເອົາລະ ໄວ້ເຈິກັນໃໝ່ບົດຄວາມໜ້າ... ສະບາຍດີ.
No comments:
Post a Comment