Apple ເອີ້ນຄືນ Macbook pro 15 ນິ້ວລຸ້ນປີ 2015-2017 ເພື່ອປ່ຽນ ແບັດເຕີຣີ່

Apple  ອອກປະກາດເອີ້ນຄືນ  Macbook pro 15 ນິ້ວລຸ້ນທີອອກມາລະຫວ່າງ ເດືອນ ກັນຍາ 2015 - ກຸມພາ 2017 ຈຳນວນ 4 ແສນກວ່າເຄື່ອງ,  ຫຼັງຈາກພົບວ່າແບັດເຕີຣີ່ທີ່ໃຊ້ຢູ່ອາດເກີດສ່ຽງເຮັດໃຫ້ເກີດບັນຫາຄວາມຮ້ອນເກີນມາດຕະຖານ ແລະ ອາດເປັນອັນຕະລາຍໄດ້,​ ໂດຍທາງ Apple   ຈະປ່ຽນແບັດເຕີຣີ່ໃຫ້ຟຣີ.

ວິທີການເຊັກວ່າ Macbook ເຮົາຢູ່ໃນກຸ່ມຖືກເອີ້ນຄືນບໍ່.

ສຳລັບໃຜທີ່ໄຊ້ Macbook 15 ນິ້ວ ຢູ່,​ ແລະ ບໍ່ໝັ້ນໃຈວ່າເຄື່ອງເຮົາໃຊ້ນັ້ນຖືກເອີ້ນຄືນບໍ່,  ວິທີກວດສອບຄືເອົາ Serial number ຫຼື ລະຫັດເຄື່ອງເຮົາໄປກວດສອບໜ້າເວັບຂອງ Apple  ໄດ້ທີ່  check your macbook pro battery recall  ແລ້ວຕີເລກລະຫັດເຄື່ອງຕົນເອງເຂົ້າທີ່ຊ່ອງແລ້ວກົດ Submit ເພື່ອເບິ່ງວ່າເຄື່ອງເຮົາຖືກເອີ້ນຄືນບໍ່.

ສຳລັບຄົນທີ່ບໍ່ຮູ້ເບິ່ງລະຫັດເຄື່ອງ ຫຼື Serial number ວ່າຢູ່ໃສ

ໃຫ້ກວດເບິ່ງທາງລຸ່ມຂອງເຄື່ອງຕົນເອງຈະມີສະຕິກເກີ້ຕິດຢູ່, ຈາກນັ້ນໃຫ້ເບິ່ງເລກ Serial number ຫຼື ຖ້າໃຜຫຼົງແກະສະຕິກເກີ້ອອກແລ້ວກໍ່ສາມາດເບິ່ງໃນເຄື່ອງໄດ້ຈາກເມນູ About this Mac ກໍ່ຈະເຫັນ.

ເມື່ອຮູ້ວ່າເຄື່ອງທີ່ໃຊ້ຢູ່ມີບັນຫາກໍ່ມີແຕ່ຢຸດໃຊ້,​ ແລ້ວຕິດຕໍ່ຫາສູນບໍລິການເພື່ອໃຫ້ເຂົາປ່ຽນ ແບັດເຕີຣີ່ໃຫ້ ໂດຍປົກກະຕິຈະໃຊ້ເວລາປະມານ 1-2 ອາທິດ.

ຕິດຕາມພວກເຮົາໄດ້ທີ່ www.spvmedia.com ຫຼື  ສາລະເລື່ອງໄອທີ