ໜັງສັ້ນແນະນຳ

ເປັນຫຍັງເຮົາຄືຍັງ "ໂສດ" ລົມກັບໃຜກະບໍ່ເຄີຍສົມຫວັງ - ບົດຄວາມຈາກທີ່ປຶກສາ



ຫຼາຍຄົນຄືຈະເຄີຍເປັນ,  ລົມກັບໃຜກະບໍ່ສົມຫັວງ, ທັງໆທີ່ມີໂອກາດເປັນແຟນ,​ ທັງໆທີ່ວ່າບາງຄົນໜ່້າຕາກະບໍ່ໄດ້ຂີ້ຮ້າຍ, ຖານະກະພໍມີ, ວຽກງານກະໂອເຄ,  ແຕ່ລົມກັບໃຜແລ້ວຄືບໍ່ສົມຫວັງຄືໝູ່, ບໍ່ມີແຟນຈັກເທື່ອ,  ບາດໝູ່ລົງເອີຍ ແຕ່ງກັນໄປແລ້ວ.

ເປັນຫຍັງເຮົາຄືຍັງໂສດ,  ລົມກັບໃຜກະບໍ່ສົມຫວັງ,​ ເລື່ອງຄວາມຮັກ, ຊີວິດຮັກ, ໂສດ,​ທີ່ປຶກສາບັນຫາຊີວິດ ຄອບຄົວ ແລະ ຫົວໃຈ,​ ບົດຄວາມຈາກທີ່ປຶກສາ


1. ຍ້ອນໃຝ່ຫາຄວາມຮັກທີ່ສົມບູນແບບ.
ຫຼາຍໆຄົນອາດຈະໄດ້ແຮງບັນດານໃຈຈາກນິຍາຍ, ຈາກໜັງ.. ທີ່ໂຕລະຄອນນັ້ນສົມບູນແບບ,  ຄວາມຮັກຫວານຊຶ້ງ, ໂຣແມນຕິກ,​ ພະເອກເຟີເຟັກ ນາງເອກເລີດເລີ.... ແຕ່ໃນຊີວິດຈິງກັບບໍ່ແມ່ນຄືລະຄອນທີ່ເຮົາເບິ່ງໃດ໋ລະ,​ ທຸກຄົນກະມີທັງຂໍ້ດີຂໍ້ເສຍໃນໂຕ, ເມື່ອເຮົາວາດຝັນໄວ້ວ່າ ຄົນຮັກຂອງເຮົາຕ້ອງເປັນແບບນັ້ນແບບນີ້, ບາດມາເຈິແລ້ວບໍ່ເປັນຕາມທີ່ຫວັງ ເລີຍເຮັດໃຫ້ໂຕເຈົ້າເອງຢາກຫ່າງອອກມາແລະ ສະແຫວງຫາຄົນໃໝ່. ທາງທີ່ດີຄວນຍອມຮັບຂໍ້ດີຂໍ້ເສຍ ເຊິ່ງກັນແລະກັນຈະດີກວ່າ.


2. ບໍ່ເຄົາລົບພື້ນທີ່ສ່ວນໂຕຂອງຄົນອື່ນ.
ບາງຄົນ ຢາກໃຫ້ຄົນທີ່ຕົນເອງລົມເປັນແນວນັ້ນແນວນີ້, ບໍ່ໃຫ້ນອກໃຈ ບໍ່ໃຫ້ເສຍໃຈ ເລີຍໄປຄວບຄຸມຕະຫຼອດເວລາ,​  ໂທຫາຕະຫຼອດເວລາ ວ່າຢູ່ໃສ ຢູ່ກັບໃຜ..  ຍິ່ງບາງຄົນແຫ່ງບັງຄັບໃຫ້ຄົນຮັກຕົນຕ້ອງເປັນແບບນັ້ນ,  ເຮັດແບບນີ້ ຍິ່ງເຮັດໃຫ້ເຂົາບໍ່ເປັນໂຕຂອງໂຕເອງ ເຮັດໃຫ້ອຶດອັດ ແລະ ຢູ່ຍາກ. ສະນັ້ນ, ບໍ່ຄວນຈະເຮັດແບບນີ້ຫຼາຍເກີນໄປ.


3. ບໍ່ພ້ອມທີ່ຈະມີໃຜ.
ບາງຄົນທີ່ຜ່ານການເຈັບປວດຈາກຄວາມຮັກມາຫຼາຍ ຈະບໍ່ກ້າທີ່ຈະລົງມືຮັກ ເພາະຢ້ານຈະຜິດຫວັງ,​ ຢ້ານເສຍໃຈອີກ, ເລີຍເຮັດໃຫ້ເວລາມີຄົນເຂົ້າມາ ລະບໍ່ກ້າຮັກເຕັມທີ່, ຈຶ່ງເຮັດໃຫ້ຄວາມຮັກຂາດໆເກີນໆ ຫຼື ບາງຄົນກໍ່ຍັງບໍ່ພ້ອມເລື່ອງຖານະ ການເງີິນເລີຍເຮັດໃຫ້ບໍ່ພ້ອມມີໃຜ.


ອ່ານແລ້ວຢ່າລືມກົດໄລ ກົດ ແຊ ເພື່ອເປັນກຳລັງໃຈແກ່ເພຈເຮົາແນ່ເດິ້.  ເພຈ ທີ່ປຶກສາ ບັນຫາຊີວິດ ຄອບຄົວ ແລະ ຫົວໃຈ 

4. ບໍ່ໃຫ້ອະໄພຄົນອື່ນ.
ບໍ່ມີໃຜດອກທີ່ບໍ່ເຄີຍເຮັດຜິດ,​ ບາງຄົນ ເມື່ອເຈິຄົນທີ່ຕົນເອງລົມ ເຮັດຜິດພຽງຄັ້ງດຽວ ສອງ ຄັ້ງກໍ່ຍ່າງໜີອອກມາແລ້ວ. ແບບນີ້ກໍ່ຈະເຮັດໃຫ້ຄວາມສຳພັນຈົບລົງ.


5. ສົນໃຈແຕ່ໂຕເອງ.
ອາດຈະຕຳໃຈຄົນທີ່ໂລກສ່ວນໂຕສູງ ຫຼື ຄົນທີ່ບໍ່ສົນໃຈໃຜ, ການທີ່ບໍ່ເປີດໃຈສັງເກດ ແລະ ເບິ່ງໃຈຄົນອື່ນ ຈະເຮັດໃຫ້ເຮົາບໍ່ເຂົ້າໃຈຝ່າຍກົງກັນຂ້າມໄດ້,​ ແບບນີ້ຈະເຮັດໃຫ້ຄວາມສຳພັນເລີກລາໄດ້ງ່າຍ.

6. ໂທດແຕ່ຢ່າງອື່ນ.
ບາງຄົນເວລາຜິດກັນ ອີ່ຫຍັງໜ້ອຍໜຶ່ງກໍ່ໄປໂທດຄົນອື່ນ ໂດຍທີ່ບໍ່ຄິດວ່າມາຈາກເຮົາບໍ່, ບາງຄົນໄປໂທດບຸນວາດສະໜາ ເນື້ອຄູ່,​ ໂທດໂຊກຊາຕາ,  ໂທດ ສິ່ງອອ້ມຂ້າງ.. ແບບນີ້ບໍ່ເວີກ,​ ເຮົາຄວນເບິ່ງຫຼາຍໆຈຸດ ຫຼາຍ ບັນຫາ,​ ເບິ່ງທັງໂຕເຮົາເອງ,​ ເລື່ອງຄວາມຮັກມັນເລີ່ມຈາກຄົນສອງຄົນ,  ຄວນຄ່ອຍໆປັບຈູນເຂົ້າກັນແລ້ວຄ່ອຍເດີນໜ້າເຄຼຍບັນຫາ.

7. ບໍ່ຮັກໂຕເອງ. 
ບາງຄົນ ປ່ອຍປະລະເລີຍ ໃຫ້ໂຕເອງບໍ່ມີຄຸນຄ່າ,  ອາດຈະຍ້ອນຜິດຫວັງມາຈາກຮັກກ່ອນໆ,​ ເລີຍເຮັດໃຫ້ບໍ່ໃສ່ໃຈໂຕເອງ ບໍ່ດູແລເບິ່ງແຍງໂຕເອງ, ເຮັດໃຫ້ລາສີໂຕເອງຕ້ອງຈືດຊືດ.​  ແລ້ວຖ້າຄົນອື່ນມາເຫັນ ເຂົາຈະກ້າມາຮັກເຮົາຫວາ ຂະໜາດເຮົາຍັງຮັກໂຕເອງບໍ່ໄດ້ ?

ທັງໝົດ 7 ຂໍ້ນີ້ເປັນສິ່ງທີ່ແອັດມິນລວບລວມມາຝາກກັນ,  ອາດຈະຖືກກັບບາງຄົນ ຫຼື ບໍ່ຖືກກັບບາງຄົນ ກໍ່ເປັນໃດ້ ສະນັ້ນຄວນເບິ່ງຕາມຄວາມເໝາະສົມ. ແລະ ອາດຈະມີຫຼາຍໆສາເຫດກວ່ານີ້ອີກ ຈົ່ງເບິ່ງຕາມຄວາມຈິງທີ່ເຮົາມີ. ໄວ້ເຈິກັນໃໝ່ບົດຄວາມໜ້າ. ສະບາຍດີ.



No comments:

Post a Comment

spv media ສູນລວມຄວາມຮູ້, ໜັງ, ທ່ອງທ່ຽວ ແລະ ຄວາມບັນເທິງ Designed by Templateism.com Copyright © 2019

Theme images by piskunov. Powered by Blogger.
Published By Gooyaabi Templates