Qualcomm ເປີດໂຕຊິບເຊັດໃໝ່ Snapdragon 215 ເຈາະຕະຫຼາດສະມາດໂຟນລາຄາປະຫຍັດ.

Qualcomm ໄດ້ເປີດໂຕຊິບໃໝ່ຊື່ວ່າ Snapdragon 215 ເພື່ອມາເຈາະຕະຫຼາດສະມາດໂຟນລາຄາປະຫຍັດ ແຂ່ງກັບ MediaTek ແລະ Samsung ແລະ ທັງເປີດເຜີຍວ່າຕົນກຳລັງພັດທະນາຊິບສຳລັບ Smart Watch ອີກດ້ວຍ.

Snapdragon 215 ມາພ້ອມສະຖາປັດແບບ ARM Cortex-A53 ເປັນ Quad-core (core speed 1.3GHz) ແລະ ສາມາດຮອງຮັບກ້ອງຄູ່ ແລະ ຄວາມລະອຽດສູງສຸດທີ່ 13 ລ້ານພິກເຊວໄດ້, ຖ່າຍວີດີໂອແບບ FHD,  ໜ້າຈໍHD+, ໄຊ້ງານ  VoLTE ໄດ້ທັງສອງຊິມ ແລະ ຍັງຮອງຮັບ Quick Charge ໄດ້ອີກ.

ຕ້ອງລໍຖ້າຕິດຕາມວ່າຈະເປັນມືຖືລຸ້ນໃດທີ່ໄດ້ຊໄຊ້ຊິບໂຕນີ້ເປັນໂຕທຳອິດ,  ຄົງຈະເຫັດໃນອີກບໍ່ດົນ.

ສ່ວນຊິບສຳລັບ Smart Watch ທາງ Qualcomm ບອກວ່າກຳລັງຢູ່ໃນຊ່ວງພັດທະນາເຊັ່ນກັນ, ແຕ່ຍັງບໍ່ທັນເປີດເຜີຍລາຍລະອຽດ,​ ແຕ່ຄາດວ່າຈະມາໃນຊື່ Snapdragon 429 ຜະລິດໃນສະຖາປັດ 12nm, ຮອງຮັບ bluetooth 5.0, ຮອງຮັບ EMMC ແລະ ເຮັດວຽກແບບ 64 bit ອີກ. ຕ້ອງລໍຖ້າຕິດຕາມວ່າ  Qualcomm  ຈະເປີດໂຕມື້ໃດ, ແລະ ຊິບໃໝ່ນີ້ຈະປະຫຍັດແບັດເຕີຣີ ທີ່ເປັນຈຸດອ່ອນຫຼັກຂອງ Smart Watch ໄດ້ຫຼືບໍ່ ຕ້ອງລໍຖ້າເບິ່ງ.