ຈາກທີ່ເຄີຍເປັນຜູ້ນຳການຕະຫຼາດ, ມາຊ່ວງຫຼັງໆ ເລີ່ມຂາຍບໍ່ອອກ ແລະ ຖືກຫົວເວີ່ຍແຊງມາເປັນອັນດັບສອງ ແລະ ຕົກມາຢູ່ທີສາມ. ລ່າສຸດຈາກຂໍ້ມູນການຂາຍໃນ Q2 ຂອງ ປີ 2019 apple ຕົກມາຢູ່ອັນດັບ 4 ແລ້ວ ເນື່ອງຈາກຍອດຂາຍຕົກ ໂດຍຫາຍໄປປະມານ 6 ລ້ານເຄື່ອງເມື່ອທຽບກັບຊ່ວງດຽວກັນຂອງປີກາຍນີ້.
ຈາກຂໍ້ມູນເຫັນໄດ້ວ່າ ຊຳຊຸງຍັງເປັນອັນດັບ 1 ຂາຍໄດ້ 75,1 ລ້ານເຄື່ອງ, ອັນດັບສອງ ຍັງເປັນຂອງຫົວເວີ່ຍ ທີ່ຍອດຂາຍບໍ່ຕົກ ໂຕເລກຢູ່ທີ 58,7 ລ້ານເຄື່ອງ, ອັນດັບ 3 ມາແຮງແຊງທາງໂຄ້ງ ອອບໂປ 36,2 ລ້ານເຄື່ອງ ອັນດັບ 4 ເປັນຂອງ ແອັບໂປ ໄດ້ 35,3 ລ້ານເຄື່ອງ ແລະ ຈີ້ກົ້ນມາຕິດໆຄື ຊຽວມີ 31,9 ລ້ານເຄື່ອງ...
ເຫັນໄດ້ວ່າ ຖ້າຍອດຂາຍຍັງຕົກຕໍ່ໄປ ຊຽວມີ ມີໂອກາດແຊງໄດ້ ແລະ ຍັງຈະມີວີໂວ ທີ່ຍັງມາແບບຫ່າງໆອີກ. ຕ້ອງເບິ່ງ Q3-Q4 ຫຼັງຈາກ Apple ເປີດໂຕລຸ້ນໃໝ່ ຈະມີຍອດຂາຍດີຂື້ນຫຼືບໍ່ ຖ້າຫາກຍັງບໍ່ດີຂື້ນ ອາການ ກະໜ້າເປັນຫ່ວງ.
ແຫຼ່ງຂ່າວຈາກ businessinsider.com
No comments:
Post a Comment