Chrome OS version 76 ເປີດໃຫ້ສາມາດໄຊ້ງານ GPU ໃນ app ຂອງ Linux ໄດ້ແລ້ວ

ຈຸດດີຂອງ chrome OS ທີ່ສາມາດຮອງຮັບແອັບຂອງ ແອນດຣອຍ ແລະ ລີນຸກ ໄດ້,​ ແຕ່ແອັບຂອງທາງ linux ນັ້ນພັດບໍ່ສາມາດໄຊ້ງານ GPU ຫຼື ເວົ້າພາສາບ້ານເຮົາວ່າ card ຈໍ ໄດ້. ເພາະຍັງມີຂໍ້ຈຳກັດອີກຫຼາຍຢ່າງ,​ ສ່ວນແອັບ ແອນດຣອຍ ນັ້ສາມາດເອີ້ນໄຊ້ງານ GPU ໄດ້ເຕັມທີ່.

ລ່າສຸດ, Chrome OS version 76 beta ທີ່ກຳລັງປ່ອຍໃຫ້ຜູ້ໃຊ້ງານທົດລອງໄຊ້ນັ້ນ ໄດ້ເປີດ GPU ໃຫ້ກັບບັນດາ app ຂອງ Linux ໄດ້ແລ້ວ ໂດຍການເອີ້ນໃຊ້ງານມີແຕ່ເຂົ້າໄປຕັ້ງຄ່າໃນ ບຣາວເຊີ້ ໂດຍການພິມ  Chrome://flags ແລະ ຄົ້ນຫາຄຳວ່າ Crostini GPU Support ແລ້ວເລືອກເປັນ Enable. ຈາກນັ້ນກໍ່ Restart ເຄື່ອງ, ເປັນອັນວ່າໄຊ້ໄດ້ແລ້ວ.

ເຖິງແມ່ນວ່າຈະສາມາດໃຊ້ງານ GPU ໄດ້,​ ແຕ່ສະເປັກຂອງທາງ Chrome OS ນັ້ນບໍ່ໄດ້ອອກແບບສຳລັບຫຼິ້ນເກມ ຫຼື ໃຊ້ງານ ກຣາບຟິກ ໂຫດໆໄດ້ ແຕ່ກະເຮັດໃຫ້ການສະແດງຜົນຂອງບັນດາແອັບເຫຼົ່ານັ້ນດີຂື້ນ ແລະ ຫຼິ້ນເກມທີ່ບໍ່ໜັກໄດ້ ຖືວ່າເປັນຂ່າວດີ.

ເຊິ່ງໃຜທີ່ມີ Chrome OS ຢູ່ກໍ່ສາມາດລອງໃຊ້ງານເບິ່ງ ຄວາມສາມາດເປັນແນວໃດສາມາຄອມເມັ້ນບອກກັນແນ່.