HarmonyOS ບໍ່ແມ່ນສະເພາະແຕ່ເປັນລະບົບປະຕິບັດການຂອງໂທລະສັບມືຖື, ເພາະມັນສາມາດໃຊ້ໄດ້ກັບອຸປະກອນ IoT ຕ່າງໆໄດ້ໝົດເຊັ່ນ: ໂມງ, ລົດ,ໂທລະທັດ, ມືຖື,ຄອມພິວເຕີ້... ທີ່ຈຸດພິເສດເນັ້ນການເຮັດວຽກທີ່ໄວ ແລະ ສາມາດສັບພອດອຸປະກອນທີ່ມີ RAM ຂະໜາດນ້ອຍລະດັບ KB ໄປຈົນເຖິງ GB.
HarmonyOS ສາມາດຮອງຮັບ HTML5, Linux ແລະ ແອັບ ທັງໝົດຂອງ Android ໄດ້ ແລະໃນອະນາຄົດ ARK Compiler ທີ່ໄຊ້ຂຽນລະບົບປະຕິບັດການດັ່ງກ່າວນີ້ຍັງຈະຮອງຮັບພາສາ Kotlin, Java, Javascritp, C, C++ ແລະ ອຶ່ນໆອີກດ້ວຍ.
HarmonyOS ຍັງເປີດເປັນລະບົບປະຕິບັດການ Open Source ແບບ ແອັນດຣອຍ ເຮັດໃຫ້ນັກພັດທະນາທົ່ວໂລກ ສາມາດເຂົ້າເຖິງ Source code ເພື່ອມາແກ້ໄຂ ແລະ ພັດທະນາໄດ້ອີກດ້ວຍ.
ຈຸດພິເສດຂອງ HarmonyOS ທີ່ພັດທະນາຂື້ນຕາມເປົ້າໝາຍ ດັ່ງນີ້:
- ສາມາດນຳໃຊ້ໄດ້ກັບທຸກອຸປະກອນທີ່ເປັນ IoT
- ເຮັດວຽກໄດ້ຢ່າງວ່ອງໄວ ໂດຍນຳເອົາເທັກໂນໂລຢີ Deterministic Latency Engine ແລະ High-performance IPC ມາໄຊ້.
- ຄວາມປອດໄພສູງ ເພາະ HarmonyOS ມີແກນລະບົບໂດຍນຳໃຊ້ MicroKernel
- ນັກພັດທະນາແອັບຕ່າງໆ ຂຽນໂດເທື່ອດຽວ ສາມາດນຳໃຊ້ໄດ້ທຸກອຸປະກອນໂດຍ Multi-device IDE.
ເມື່ອມີນັກຂ່າວຖາມວ່າ HarmonyOS ຈະມາແທນ Android ຫຼືບໍ່? ທາງ Richard Yu ຕອບວ່າ ສາມາດມາແທນຕອນນີ້ເລີຍກໍ່ໄດ້, ແຕ່ທາງຫົວເວີຍເອງຍັງຄົງໃຫ້ຄວາມສຳຄັນກັບ ແອັນດຣອຍ ຂອງ ກູໂກລ ຢູ່, ແຕ່ຖ້າຫາກມື້ໜຶ່ງເກີດເຫດການແບບບໍ່ຄາດຄິດອີກ, ທາງຫົວເວີຍກໍ່ສາມາດນຳເອົາ HarmonyOS ມາໃຊ້ແທນ ແອັນດຣອຍໄດ້ທັນທີ.
ສຳລັບ HarmonyOS ຈະເລີ່ມໃຊ້ງານກັບ Honor Vision TV ທີ່ເປັນ ສະມາດທີວີ ຂອງບໍລິສັດລູກຫົວເວີ່ຍທີ່ໄດ້ເປີດໂຕໄປຫຼັງງານດັ່ງກ່າວນີ້.
No comments:
Post a Comment