Intel ເປີດໂຕ CPU notebook Gen 10 ທັງໝົດ 11 ລຸ້ນເພີ່ມ AI ເຂົ້າມາ

ທາງ Intel ໄດ້ເປີດໂຕ CPU Gen 10 ອອກມາ,  ສຳລັບໂນດບຸກໂດຍສະເພາະ, ໄດ້ເພີ່ມ AI  ແລະ Iris Plus ເຂົ້າມາ ແລະ ສາມາດຮອງຮັບ Wifi 6  ແລະ  Thunderbolt 3 ອີກ ຖືວ່າສ້າງມາດຕະຖານໃໝ່ໃນວົງການຊີພີຢູ່ເລີຍກໍ່ວ່າໄດ້.

CPU Gen 10 ນັ້ນໄດ້ສ້າງໂດຍສະຖາປັດຕະຍາກຳ 10nm ແລະ ອະທິບາຍຕາມຮູບລຸ່ມນີ້

Intel core =  ແນ່ນອນເປັນຊື່ເກົ່າບໍ່ມີປ່ຽນແປງ

i7 = ແມ່ນລຸ້ນຂອງຊີພີຢູເຊິ່ງມີ i3, i5, i7

1065 = ແບ່ງແຍກອອກເປັນເລກ 4 ໂຕ ສອງໂຕທາງໜ້າເລກ 10 ໝາຍເຖິງ Gen 10 ສ່ວນເລກ 2 ໂຕທ້າຍນັ້ນເປັນເລກລະຫັດ SKU ຂອງລຸ້ນ ໝາຍຄວາມວ່າເລກຍິ່ງສູງຍິ່ງແຮງຂື້ນ ໂຕໃດສູງສຸດແມ່ນໝາຍເຖິງລະດັບໂຕທ໋ອບ.

G7 = ໝາຍເຖິງລະຫັດຂອງ GPU ໂດຍມີການອະທິບາຍດັ່ງນີ້:

1. G1 ໄຊ້ກາດຈໍ UHD ມີໜ່ວຍປະມວນຜົນ 32 ໂຕ
2. G4 ໄຊ້ກາດຈໍ Iris Plus ມີໜ່ວຍປະມວນຜົນ 48 ໂຕ
3. G7 ໄຊ້ກາດຈໍ Iris Plus ມີໜ່ວຍປະມວນຜົນ 64 ໂຕ.

ທາງລຸ່ມນີ້ຄືລາຍຊື່ທັງໝົດ ແລະ ລາຍລະອຽດ.