ເປີດໂຕ Samsung Galaxy Note 10 ແລະ Note 10+ ມາພ້ອມສະເປັກຈັດເຕັມ

Samsung ໄດ້ທຳການເປີດໂຕ Samsung Galaxy Note 10 ສົດໆຮ້ອນໆ ທີ່ເທື່ອນີ້ມີການປັບປ່ຽນການອອກແບບ ແລະ ອອກມາເຖິງ 2 ລຸ້ນ ໂດຍມີໜ້າຈໍບາງສຸດຂອບ ແລະ ມາພ້ອມກັບຈໍ Dynamic AMOLED ແບບ Cinematic Infinity display ທີ່ທາງຊຳຊຸງເອງໄດ້ມີຊອບແວຣ໌ ຊ່ວຍຕັດແສງສີຟ້າ ຊ່ວຍບໍ່ໃຫ້ເຈັບຕາເວລາເບິ່ງຈໍດົນໆ ໂດຍບໍ່ທັນໄປເປີດໂໝດ Eye Comfort ເລີຍ,  ໜ້າຈໍມີຂະໜາດ 6,3 ນິ້ວ ແລະ 6,8 ນິ້ວ ສຳລັບ ໂນດ 10+.

ງານເປີດໂຕ ສຸດອະລັງການ

Samsung Galaxy Note 10/Note10+  ໄດ້ປັບຂະໜາດຄວາມບາງລົງໃຫ້ໄກ້ຄຽງກັບຕະກຸນ Galaxy S series ໂດຍມີຄວາມບາງພຽງ 7,9 ມມ ເທົ່ານັ້ນ,  ແລະ ມີການຍ້າຍປຸ່ມ power ຈາກທາງເບື້ອງຂວາ ມາຢູ່ເບື້ອງຊ້າຍແທນປຸ່ມ Bixby 

ບາງທັງຈໍ ບາງທັງເຄື່ອງ ສີສັນສົດໃສ

Samsung Galaxy Note 10/Note10+  ໄດ້ມີການອັບເດດບິກ S pen ທີ່ໄຊ້ໃນການຂຽນແລະກົດຊັດເຕີ້ ຮູບ ແລະ ຫຼິ້ນເພງ ນັ້ນໃຫ້ມີຄວາມສາມາດເພີ່ມຂື້ນໄປອີກ  ໂດຍເລີ່ມຈາກການຂຽນສາມາດແປງລາຍມືເຮົາຈາກທີ່ເປັນພຽງຮູບພາບໃຫ້ກາຍເປັນຟາຍ Word ກັບ PDF ໄດ້ເລີຍ, ແລະ ນອກນີ້ S pen ຍັງສາມາດຄວບຄຸມການສະຫຼັບກ້ອງໜ້າ-ຫຼັງ,  ຊູມເຂົ້າຊູມອອກ, ປ່ຽນໂໝດກ້ອງ, ປັບສຽງຂື້ນລົງ... ໂດຍການແກ່ງບິກໄປມາ. ແລະ ທາງຊຳຊຸງກໍ່ຍັງພັດທະນາກັບ Youtube ເພື່ອໃຫ້ບິກ ສາມາດຄວບຄຸມການໃຊ້ງານ ຢູທູບ ໃນອະນາຄົດອີກດ້ວຍ.

ລູກຫຼິ້ນຂອງບິກ S pen

ສາມາດຂຽນແລະ Save ເປັນ Word  ແລະ PDF ໄດ້ເລີຍ

Samsung Galaxy Note 10/Note10+ ມີກ້ອງທັງໝົດ 3 ໂຕ,​ ມີເລນຫຼັກ,​ ເລນ Ultra Wide  ແລະ ເລນ Telephoto ແລະ Note 10+ ຍັງມາພ້ອມກັບເຊນເຊີ້ Depth Vision ທີ່ສາມາດຈັບລະດັບຄວາມເລິກ-ຕື້ນ ຂອງຮູບພາບ,  ແລະ ວີດີໂອກໍ່ມີການຍົກລະດັບ ສາມາດໃສ່ Bokeh Effect ໃສ່ວີດີໂອ ແລະ ສາມາດເລືອກໄດ້ ໂບເກ້ ໄດ້ເຖິງ 4 ແບບ. ນອກນີ້ຍັງມີ ຟິວເຈີ້ໃໝ່ Zoom On Sound ທີ່ກ້ອງສາມາດເລືອກໂຟກັສ ສຽງທີ່ເກີດຂື້ນໃນບໍລິເວນນັ້ນໄດ້ ແລະ ຍັງອັບເກຼດ ກັນສັ່ນໃນການຖ່າຍວີດີໂອ SuperSteady ທີ່ຄັ້ງນີ້ເອົາ AI ແລະ ຊອບແວເຂົ້າມາຊ່ວຍ... ນອກນີ້ຍັງມີ AR Doodle ທີ່ເຮົາເອົາບິກແຕ້ມໃສ່ໜ້າຄົນຕອນຖ່າຍຮູບ/ວີດີໂອ, ແລ້ວໃຫ້ຄົນຍ່າງອອກ້ອງໄປ ແລະ ກັບເຂົ້າມາກ້ອງ effect ທີ່ເຮົາແຕ້ມໄວ້ນັ້ນກໍ່ຈະກັບມາຄືເກົ່າອີກດ້ວຍ.

Focus ຕາມແຫຼ່ງທີ່ມາຂອງສຽງ

ສ້າງ ໂບເກ້ ໃນວີດີໂອທີ່ສວາຍງາມ

ກັນສັ່ນ ທີ່ເພີ່ມຄວາມສາມາດໄດ້ດີຂື້ນ

Samsung Galaxy Note 10/Note10+ ໄດ້ໄຊ້ CPU ໂຕໃໝ່ Exynos 9825 ໂດຍມີປະສິດຕິພາບຂອງ CPU ແຮງຂື້ນ 33%,​ ແລະ GPU ແຮງຂື້ນ 42%  ເມື່ອທຽບກັບ CPU ທີ່ໄຊ້ກັບ Galaxy Note 9 ລຸ້ນກ່ອນ.  ໂດຍ note 10 /10+ ສາມາດຫຼິ້ນເກມໄດ້ຢ່າງບໍ່ມີບັນຫາ, ນອກນີ້ ຊຳຊຸງຍັງຮ່ວມມືກັບ DISCORD ທີ່ເວລາຫຼິ້ນເກມສາມາດລົມກັນ ຫຼື ແຊັດໄດ້ໂດຍບໍ່ຈຳເປັນເປີດໂປຣແກມອື່ນ.

Samsung Galaxy Note 10 ມີແບັດເຕີຣີ່ຄວາມຈຸຢູ່  3500 mAh ຮອງຮັບສາກໄວ 25W   ແລະ Note10+ ມີຄວາມຈຸທີ່ 4300 mAh ຮອງຮັບສາກໄວ 45W ສາກ 30 ນາທີສາມາດໃຊ້ໄດ້ໝົດມື້ວ່າຊັ້ນ. 

ຮອງຮັບສາກໄວກວ່າເກົ່າ

ສະເປັກທັງໝົດຂອງ Samsung Galaxy Note 10/Note10+  :

• ໜ້າຈໍ:  Dynamic Amoled ຂະໜາດ  6,3 ນິ້ວ ຄວາມລະອຽດ FHD+ (note 10) ແລະ 6,8 ນິ້ວ WQHD+ (Note 10+)
• CPU: Exynos 9825 Octa-core  7nm
• RAM: 8GB (note 10) | 12Gb (note 10+)
• ຄວາມຈຸ:​ 256 GB USF 3.0  (note 10) | 256GB/512GB UFS 3.0 ຮອງຮັບ micro-SD card ສູງສຸດ 1TB ສຳລັບ Note 10+
• OS :  Android 9 Pie + One UI 
• ກ້ອງໜ້າ:​ 10 ລ້ານພິກເຊວ F/2.2
• ກ້ອງຫຼັງ:    Note 10 ກ້ອງຫຼັງມີ 3 ໂຕ: 16MP F/2.2(main) + 12MP  F/1.5 (Ultra wide) + 12MP F/2.4 (Tele)
  Note 10 + ມີກ້ອງຫຼັງ 4 ໂຕ:  16MP F/2.2(main) + 12MP  F/1.5 (Ultra wide) + 12MP F/2.4 (Tele) + Tof  F/2.1
• ມີລະບົບສະແກນນິ້ວມືເທິງໜ້າຈໍ
• ຮອງຮັບການສະແກນໃບໜ້າ
• ກັນນ້ຳກັນຝຸ່ນ IP68
• ແບັດເຕີຣີ: 3500mAh (note 10) Fast charge 25W | 4300  mAh  Fast charge 45W (note 10+)
• ລະບົບສຽງ: ລຳໂພງ Sterio, Dolby Atmos ບໍ່ມີຮູບສຽບຫູຟັງ 3,5 ມມ
• ການເຊື່ອມຕໍ່:  WiFi 802.11 a/b/g/n/ac, dual-band, wi-fi direct, hotspot,  Bluetooth 5.0, USB-C
• ເຊັນເຊີ້: 
• Fingerprint ຢູ່ໜ້າຈໍ
• accelerometer
• Barometer sensor
• Compass Sensor
• Brightness sensor
• Proximity detection sensor
• Gyroscope sensor

Samsung Galaxy Note 10 ລາຄາເປີດໂຕຢູ່ທີ່ 949$  ແລະ note 10+ 1099$

ສຳລັບສູນລາວ ລາຄາໂນດ 10 ຢູ່ທີ່  8,490,000 ກີບ ແລະ ໂນດ 10+ ແມ່ນ 9,790,000 ກີບ

ລາຄາ ທີ່ສູນລາວ