ໜັງສັ້ນແນະນຳ

10 ວິທີເບິ່ງແຍງ ແລະ ຟຶ້ນຟູຈິດໃຈ ຂອງຜູ້ປະສົບໄພ ນ້ຳຖວ້ມ


10 ວິທີເບິ່ງແຍງ ແລະ ຟຶ້ນຟຸຈິດໃຈ ຂອງຜູ້ປະສົບໄພ ນ້ຳຖວ້ມ, ສາລະໜ້າຮູ້, ນ້ຳຖ້ວມ,  ນ້ຳຖ້ວມລາວ, ບົດຄວາມຈາກທີ່ປຶກສາ, ທີ່ປຶກສາບັນຫາຊີວິດ ຄອບຄົວ ແລະ ຫົວໃຈ


ຊ່ວງນີ້ນ້ຳຖ້ວມພາກໃຕ້ ສົ່ງຜົນໃຫ້ຫຼາຍຄົນຕ້ອງພົບກັບຄວາມລຳບາກ ນອກຈາກຮ່າງກາຍແລ້ວ ສິ່ງສຳຄັນຄືສະພາບຈິດໃຈ ຈະເຮັດໃຫ້ຕຶງຄຽດ
, ຊີວິດລຳບາກຊືມເສົ້າ... ສະນັ້ນ, ເຮົາຕ້ອງຫາວິທີຊ່ວຍໃຫ້ສະພາບຈິດໃຈຂອງບັນດາພີ່ນ້ອງຜູ້ປະສົບໄພ ຫຼື ໂຕເຮົາເອງ ດັ່ງວິທີຫຼັກການຕໍ່ໄປນີ້:

1.  ຍອມຮັບໃນສິ່ງທີ່ເກີດຂື້ນ
ບໍ່ມີຫຍັງດີໄປກວ່າການຍອມຮັບສິ່ງທີ່ເກີດຂື້ນ, ເພາະໄພທຳມະຊາດເຮົາບໍ່ຮູ້ວ່າມັນຈະມາຕອນໃດແລະ ບໍ່ແມ່ນເຮົາຄົນດຽວທີ່ເຈິ ຄົນອື່ນໆກໍ່ເປັນແບບດຽວກັນ. ເຮົາເສົ້າໃດ້ ແຕ່ບໍ່ຄວນໝົດຫວັງ ຈົ່ງຫາທາງຟຶ້ນຟູ ສະພາບຄອບຄົວເຮົາເອງໃຫ້ໄວທີ່ສຸດ.

2. ຕັ້ງສະຕິ ແລະ ຈັດລຳດັບຄວາມສຳຄັນຂອງຊີວິດ.
ຢ່າຈົມກັບຄວາມຫຼັງ ທີ່ມານັ່ງເບິ່ງນ້ຳໄຫຼຖ້ວມ ແລ້ວຄິດແຕ່ວ່າເຮົາບໍ່ເຫຼືອຫຍັງແລ້ວເຮົາຄວນຮວບຮວມສະຕິປັນຍາທີ່ມີ ທົບທວນມັນວ່າເກີດຫຍັງຂື້ນ ຈາກນັ້ນກໍ່ຈັດການບັນຫາສຳຄັນກ່ອນເຊັ່ນ:  ການເບິ່ງແຍງການຢູ່ການກິນ, ການນອນ ການຂັບຖ່າຍ ລວມທັງການປ້ອງກັນໂຕເອງຈາກໂຣກທີ່ຈະເກີດຂື້ນຫຼັງນ້ຳຖ້ວມ.

3. ໝັ່ນໂອ້ລົມກັບຄົນອອ້ມຂ້າງ.
ການທີ່ເຮົາລົມກັບຄົນອອ້ມຂ້າງ ຈະເປັນການຮັກສາຈິດໃຈເຮົາໄປອີກແບບຄື ເປັນການລະບາຍຄວາມຮູ້ສຶກທີ່ຄ້າງຄາໃຈເຮົາໄປໄດ້ຫຼາຍ ອີກທັງຊ່ວຍໃຫ້ເຮົາບໍ່ຮູ້ສຶກວ່າຢູ່ໂດດດ່ຽວ.

4. ພະຍາຍາມເຂົ້າໃຈຄົນອອ້ມຂ້າງ.
ໃນສະຖານະການທີ່ເປັນຢູ່ ບາງຄົນອາດຄຽດຈົນກາຍໄປເປັນຕຄົນໃໝ່ ທີ່ແປກໄປຈາກເດີມ, ສະນັ້ນ ເຮົາຄວນເບິ່ງແຍງຄົນໃນຄອບຄົວ ແລະ ຄົນອອ້ມຂ້າງນຳ ຊ່ວຍເທົ່າທີ່ເຮົາຊ່ວຍໄດ້.

5. ລອງເປັນອາສາສະໝັກກູ້ໄພເບິ່ງ.
ວິທີການຮັກສາຈິດໃຈວິທີໜຶ່ງ ຄືການທີ່ໄປຊ່ວຍຫຼາຍໆຄົນເບິ່ງ ເພາະເຮັດໃຫ້ເຮົາເຫັນບັນຫາໂດຍລວມທີ່ເປັນຢູ່ ແລະ ຍັງເຮັດໃຫ້ເຮົາຄິດວ່າຍັງມີຄົນອີກຫຼາຍຄົນທີ່ໂຊກຮ້າຍກວ່າເຮົາອີກ.



ອ່ານແລ້ວຢ່າລືມໃຫ້ກຳລັງໃຈພວກເຮົາໂດຍການກົດຕິດຕາມເພຈ ທີ່ປຶກສາ ບັນຫາຊີວິດ ຄອບຄົວ ແລະ ຫົວໃຈ

6. ດູແລຮັກສາສຸຂະພາບໂຕເອງໃຫ້ດີ
ເຮົາຕ້ອງຄຳນຶງເຖິງຮ່າງກາຍຂອງເຮົາເປັນຫຼັກບໍ່ຄວນໄປຄິດແຕ່ແນວອື່ນ ວັດຖຸເງິນຄຳເຮົາອາດຈະຫາໃໝ່ໄດ້ ມີບັນຫາຫຍັງກະເຂົ້າໄປພົບແພດໝໍ ທີ່ມາຊ່ວຍເຫຼືອຕາມຈຸດຕ່າງໆ

7. ພັກຜ່ອນໃຫ້ພຽງພໍ
ໄລຍະຜ່ານມາທີ່ເຈິບັນຫາ ເຮົາອາດຈະບໍ່ມີເວລາໄດ້ພັກຜ່ອນເລີຍຄວນຫາທາງພັກຜ່ອນໃຫ້ຫຼາຍ, ຢືດໂຕ ບິດໂຕ ຜ່ອນຄາຍ.

8. ຫາຍໃຈເລິກໆ
ມັນເປັນວິທີໃນການເຝິກໃຫ້ເຮົານອນຫຼັບໄດ້ແລະ ໃຫ້ເຮົາມີສະມາທິ ຈິດໃຈທີ່ດີຂື້ນ

9. ເຂື່ອນໃຫວຮ່າງກາຍເທົ່າທີ່ຈະເຮັດໄດ້.
ບໍ່ຄວນນັ່ງແລະນອນຢູ່ກັບບ່ອນ ຄວນອອກໄປຍ່າງເບິ່ງບັນຍາກາດທາງນອກ ເພື່ອຜ່ອນຄາຍ ແລະ ເບິ່ງສະຖານະການ

10. ເປັນທັງໝໍ ແລະ ຍາມ
ຄວນເບິ່ງແລະສັງເກດເບິ່ງສະພາບແວດລ້ອມອ້ອມຂ້າງເຊັ່ນ: ເບິ່ງຄົນອອ້ມຂ້າງ ເບິ່ງສະພາບການ ແລະ ເບິ່ງລະດັບໄພຕ່າງໆ ຖ້າມີຫຍັງມາກໍ່ຄວນບອກຕໍ່ໆກັນ


No comments:

Post a Comment

spv media ສູນລວມຄວາມຮູ້, ໜັງ, ທ່ອງທ່ຽວ ແລະ ຄວາມບັນເທິງ Designed by Templateism.com Copyright © 2019

Theme images by piskunov. Powered by Blogger.
Published By Gooyaabi Templates