ເປີດໂຕຢ່າງເປັນທາງການໄປແລ້ວ ກັບ google Pixel 4 ແລະ Pixel 4 XL ມືຖື ລຸ້ນທີ 4 ຈາກ google ທີ່ຄັ້ງນີ້ມາພ້ອມກ້ອງຄູ່ , ມີສະແກນໜ້າ, ຈໍ 90 Hz ແລະ ມີລະບົບ Motion Sense ທີ່ສັ່ງການຜ່ານຝາມື ຖືໄດ້ວ່າເປັນມືຖືທີ່ມີລາດ້າ ຈັບການເຄື່ອນໃຫວໄດ້.
ການອອກແບບ
Pixel 4 ໄດ້ອອກແບບແຕກຕ່າງໄປຈາກເກົ່າແບບຜິດຫູຜິດຕາ ເພາະນອກຈາກ ຕິ່ງໜ້າຈໍທີ່ຫາຍໄປແລ້ວ ຍັງເປັນການວາງກ້ອງຫຼັງໃນຈຸດ 4 ຫຼ່ຽມສີດຳ ເກືອບຄ້າຍໆກັບໄອໂຟນ ແລະ ມີໄຟແຟດດວງໃຫ່ຍສີຂາວເບິ່ງໄປເບິ່ງມາຄ້າຍໆກັບໜ້າໂປຣເກມ່ອລ
Motion Sense
Pixel 4 ຖືໄດ້ວ່າເປັນມືຖືລຸ້ນທຳອິດທີ່ມີລະບົບຄ້າຍໆກັບລາດ້າ ຈັບການເຄື່ອນໃຫວໃນໂຕ ໂດຍເຊັນເຊີ້ດັ່ງກ່າວໄດ້ວາງໄວ້ເທິງຂອບໜ້າຈໍທາງເທິງ ສາມາດຈັບສິ່ງທີ່ເຄື່ອນໃຫວໃນໜ້າຈໍ ເຊັ່ນ: ການໂບກມື ເພື່ອປ່ຽນເພງ, ໂບກມືເພື່ອຢຸດໂມງປຸກ, ແລະ ການຍົກຂື້ນມາຈັບໃບໜ້າ ແບບ 3 ມິຕິ ແບບຍົກຂື້ນມາປຸບ ຈະ ກວດໃບໜ້າ ແລະ ປົດລ໋ອກໃຫ້ປັບ.
ໜ້າຈໍ
Pixel 4 ມາກັບໜ້າຈໍຄວາມລະອຽດ FHD+ ແລະ QHD+ ທີ່ມີຄ່າຣີເຟດເລດສູງເຖິງ 90Hz ຊ່ວຍໃນການຫຼິ້ນເກມໄດ້ສະມູດຫຼາຍຂື້ນ.
Google Assistant ທີ່ສະຫຼາດກວ່າເກົ່າ.
ເທື່ອນີ້ ກູໂກລ ໄດ້ທຳການອັບເກຼດໃຫ້ສະຫຼາດຂື້ນກວ່າເກົ່າ ເຊິ່ງເຮົາສາມາດເອີ້ນສັ່ງໄດ້ໂດຍບໍ່ຈຳເປັນເວົ້າ ok google ຫຼື hey google ແລະ ເວລາເວົ້າຫຍັງມັນຈະຕອບສະໜອງໄດ້ໄວຂື້ນ ໂດຍທີ່ເຮົາເກືອບຈະບໍ່ໄດ້ສຳພັດໜ້າຈໍເລີຍ ແຖມຍັງເຮົາຍັງສາມາດໃຊ້ງານໄດ້ຊັບຊ້ອນຂື້ນເຊັ່ນ ເວລາເຮົາແຊັດກັບໝູ່ ລະໝູ່ຖາມວ່າຖ້ຽວບິນເຮົາຈະອອກຈັກໂມງ ເຮົາສາມາດເອີ້ນຖາມກູໂກ້ລໄດ້ ໂດຍສາມາດພິມອອກມາຕອບໝູ່ເຮົາໄດ້ ໂດຍມັນຈະສາມາດແຍກໄດ້ວ່າສຽງທີ່ເຮົາບອກໄປນັ້ນເປັນການສັ່ງວຽກ ຫຼື ເປັນການພິມ. ນອກຈາກນີ້ມັນຍັງສາມາດແປຄຳເວົ້າອອກມາເປັນໂຕພິມໄດ້ເຊິ່ງງ່າຍຕໍ່ການອັດສຽງໃນຫ້ອງປະຊຸມມາພິມເປັນບົດລາຍງານອີກດ້ວຍ.
ກ້ອງ
Pixel 4 ມາພ້ອມກ້ອງຫຼັງຄູ່ທີ່ຍົກລະດັບການຖ່າຍພາບໃຫ້ດີກວ່າເກົ່າ ໂດຍຕອນນັ້ນອອກມາກ້ອງດຽວຍັງກາຍເປັນທີ 1 ແລ້ວ ຕອນນີ້ມີ 2 ກ້ອງລອງເບິ່ງວ່າຈະສູ້ຄ້າຍອື່ນໄດ້ບໍ່, ໂດຍເລນທັງສອງນັ້ນເລນໜຶ່ງເປັນເລນຫຼັກ 12MP ແລະ ເລນສອງເປັນເລນ Telephoto 16MP ສາມາດຊູມອອກມາໂດຍບໍ່ເສຍຄວາມລະອຽດໂດຍມີຊອບແວປັບປຸງພາບອອກມາ ແລະ ຍັງໂດດເດັ່ນເລື່ອງການຖ່າຍພາບເບີທາງຫຼັງໄດ້ຢ່າງນຽນຕາປານກັບກ້ອງ DSLR ເລີຍ. ນອກນີ້ ໂໝດຖ່າຍກາງຄືນຍັງສາມາດຈັດການ Noise ໄດ້ດີຈົນສາມາດຖ່າຍດາວໄດ້.
ສະເປັກທັງໝົດຂອງ Google Pixel 4 ແລະ Pixel 4 XL :
- ໜ້າຈໍ: FHD+ 5.7" | QHD+ 6.3" 90Hz
- CPU: Snapdragon 855
- RAM: 6Gb
- ຄວາມຈຸ: 64 GB/128GB
- OS : Android 10
- ກ້ອງໜ້າ: 8 ລ້ານພິກເຊວ
- ກ້ອງຫຼັງ: 16MP + 12 MP
- ມີລະບົບສະແກນໜ້າ 3 ມິຕິ
- Motion Sense ກວດຈັບການເຄື່ອນໃຫວຜ່ານໜ້າຈໍ
- ແບັດເຕີຣີ: 2800mAh (Pixel 4) | 3700 mAh Fast charge 18W (Pixel 4 XL)
ວັນເວລາ ແລະ ລາຄາເປີດໂຕ
ຈະເລີ່ມວາງຂາຍທີ່ອາເມລິກາໃນວັນທີ 24 ຕຸລານີ້ ແລະ ມີລາຄາດັ່ງນີ້:
- Google Pixel 4 64GB = $799
- Google Pixel 4 128GB = $899
- Google Pixel 4 XL 64GB = $899
- Google Pixel 4 XL 128GB = $999
No comments:
Post a Comment